Rakaakayak Qaafiyat Biiro Buxâ Marih Taddiira Wagsiisak Maglableelâ Luk Hangisso Gudgud Gexsisse.
Rakaakayak Qaafiyat Biiro Ta Hangisso Gudgud Qaafiyat Malaaka Luk Cattiimak Teceem Kee Ta Gudgudut Rakaakayak Qaafiyat Biirok C/Saqalah Yan Gifta Wattika Noorey, Maglisik Ciggiltá Afteenáh Tan Gifta Mayram Macammad Acaw Kee Maytani Makaadoh Adoytiitiy Tonnah Kee Baxaabaxsale Maglableela Edde Tengelem Tamixxige.
Ta Gudguduk Lafale Hadaf Buxâ Marih Taddiira(Family Planning)Tuxxiq Yaysexeexegeenim Kee Addâ Fakoot Maca Akak Kinnim Wagsiisak Baar Le Adda Fakoot Malâ Buxah Adoytit Kee Maglableelah Baxxaqsa Abaanam Kee Hangisso Yayxibixeenim Kinnim Tamixxige.
Tama Aracal Geytimak Yabti Fakkenta Abtem Qaafiyat Biirok C/Saqalah Yan Gifta Wittika Noore Kinnuuk Iyyeemih Buxâ Marih Taddiira Yaanam Saqal Kee Maqanxi Sittak Baxisnay Yaanama, Tah Yaanam Xalay Bagut Xalay Abe Waynay Yaanama, Naharsi Baxay Xalleh Faxxiima Hanaawi Kee Aysaaxxiyya Abekkal Gersi Baxa Xalla Way Naharsi Baxa Kee Gersi Baxa Inkih Qaafiyat Sinni Alaaqá Yakkeenim Ginnimta, Tohih Taagah Naharsi Baxa Dagnal Namma Sanat Angu Naysaaxxem Faxximta, Tahal Kaadu Uguugus Kee Ummatta Mabla Yayxibixeenimih Taamal Sitta Catak Taamitnam Faxximta Axcuk Kassiise.
Tonnah Kaadu Ciggiilak Yab Abtem Maglisik Ciggiltá Afteenáh Tan Gifti Mayram Macammad Acaw Kinnuuk Inteemih Buxâ Marih Taddiira Iyyan Way Xalay Ikraarol Akah Abnannah Yascasse Miracsenta Kinnuuk Xalay Bagut Xalay Abnam Hinnay, Xalay Ikraarol Abnam Faxximta, Kullí Iná Xalay Bagut Abta Xalay Taqabik Teetil Kataasam Inkih Naaxigeh, Angu Elle Faxximtannal Aysaaxxuk Qarsan Alaaqa Caraka Kee Maqarah Le Innah Inkih Naaxigeh, Tohih Taagah Xalay Ikraarol Akah Abnanna Kee Xalle Alaaqá Faxxiima Hanaawi Akah Abnannah Ummatta Barsaanamih Taama Maqar Luk Takkem Faxximta Axcuk Yabte.
Ellê Cabol Xayyowteh Sugte Kutbeebal Qari Baxaabaxsale Mablooli Ugusak Baar Le Walal Elle Yekkeek Gamadal Gudgud Qax Meqe Gurral Yumurruqe.

               Rakaakay Caddol Qabali Mattacoh Uguugusih Gudgud Gexsite.
Rakaakayak Qaafiyat Biiro Agatak Qabali Bank Luk Cattiimak Qabali Mattacoh Gaadih Alsa Wagsiisak Maglableelâ Luk Qabali Mattacoh Uguugus Gudgud Gexsite.
Ta Gudgudut Ciggiila Perezdintih Bilhadal Ayyuntiinô Kilasterih Saqal Kee Qaaday, Qunxaaneyta Kee Sport Biiroh Saqalah Yan Gifta Caamid Duulay, Qaafiyat Biiroh Saqal Gifta Yaasin Cabiibiy, Agatak Qabali Bankih Saqalah Yan Gifta Ashenafi Tazebewuy, Diini Abbobtiiy, Sayyooy, Qunxaaneyta Kee Baxaabaxsale Ayyunti Exxaaxi Edde Tengeleh Sugtem Tamixxige.
Ta Gudguduk Lafale Hadaf Ummattah Addal Ummatta Geyssisam Dudda Baxaabaxsale Dagorti Luk Walalak Ummatta Isi Fayxiik Qabala Akah Tacennah Uguugus Abaanah Ummattak Mabla Milaaganam Wagsiisak Gexsite Gudgud Kinnim Tamixxige.
Tama Aracal Yabti Fakkenta Abtem Qaafiyat Biiroh Saqal Gifta Yaasin Cabiib Kinnuuk Iyyeemih Qabala Yaanam Kulli Sidiica Alsak Isik Tayyaaqem Faxximtam Kinnim Kee Isik Ayyaaqe Waytek Dahanat Tawqem Duddam Kinnuuk Qabala Yaceenim Diini Caddil Nihir Caddol Taysem Kinnuuk Qabala Ninnih Naceem Faxximtaah Sinam Akah Taceennah Absisnam Faxximta Axcuk Yaabe.
Tonnah Kaadu Agatak Qabali Bankih Saqalah Yan Gifta Ashenafi Tazebewu Ni Baaxoh Caddol Mango Inonti Qabali Waytoh Ayroh Addal Rabak Asaanam Kinnuuk Ni Inontih Rooci Wadnuh Qabala Naceem Faxximta Axcuk Yaabe.
Ciggiilak Kaadu Yab Abteh Sugtem Ciggiila Perezdintih Bilhadal Ayyuntiinô Kilasterih Saqal Kee Qaaday, Qunxaaneyta Kee Sport Biiroh Saqalah Yan Gifta Caamid Duula Kinnuuk Iyyeemih Qabala Yaceenin Sadaga Kinnuuk Qafar Addal Qabali Wayah Biyak Kee Raba Fan Gexak Geytimta Ni Inontih Rooci Wadnuh Ta Gudgudul Geytima Marak Isin Ummattah Addal Ossoobba Le Mara Kinnuuk Ummatta Uguugusaanamal Digga Intaanam Faxximta Axcuk Yaabe.
Ellê Cabol Qarik Satqo Takkem Dudda Baxaabaxsale Mablooli Ugutak Baar Le Walal Gexsiteek Gamadal Gudgud Meqe Gurral Yumurruqe.

Ellê Cabol Qarik Satqo Takkem Dudda Baxaabaxsale Mablooli Ugutak Baar Le Walal Gexsiteek Gamadal Gudgud Meqe Gurral Yumurruqe.

– Afar National Regional State Health Bureau